Dinga City Flood Photos

We already published few photos of Dinga Flood and Visit of Mian Amjad. Now below are more pictures of Dinga City during rainy season and heavy floods. Take a look below.

سانپ کے ڈسنے سے پردیسی مزدور ہلاک

News of Dinga – ڈنگہ کی خبریں

بہاولپور سے تعلق رکھنے والے دو مزدور ، اٹھارہ سالہ ناصر اور پچیس سالہ خرم کام کاج کے بعد رات کو آرام کرنے کے لیے منگووال چوک کی ایک دکان میں سوئے تھے کہ صبح چار بجے کے قریب دونوں کوایک سانپ نے ڈس لیا- جس سے ایک مزدور ناصر موقع پر ہلاک ہو گیا جب کہ دوسرا مزدور خرم ہسپتال میں زندگی اور موت کی کشمکش میں مبتلا ہے۔ یہ دونوں مزدور بہاولپور سے ڈنگہ کام کاج کی غرض سے آئے تھے اور یہاں آئس کریم بیچنے کا کام کرتے تھے۔

ڈنگہ کے سیم نالہ میں دو افراد ڈوب گئے

Saim-Nala

Saim-Nala

ڈنگہ کی تازہ ترین اپ ڈیٹ کے مطابق، آج چھبیس اگست کو دو باپ بیٹی ڈنگہ کے سیم نالہ میں ڈوب کر ہلاک ہو گئے ۔ حالیہ سیلاب کی وجہ سے ڈنگہ کا سیم نالہ نہ صرف پانی سے بھرا ہوا ہے بلکہ پانی کناروں سے باہر آ کر قریبی محلے تک پھیلا ہوا ہے۔ دونوں باپ بیٹی جانوروں کا چارہ لینے سیم نالہ کی ایک طرف بنی ہوئی کم چوڑائی کی سڑک پر جا رہے تھے یہ سڑک محلہ رام باغ کو منڈی بہاولدین روڈ سے جوڑتی ہے۔

اپ ڈیٹ ستائس اگست:
اس سڑک کے ایک مقام پر کم چوڑائی کا ایک پل ہے جسے لوگ سیم نالہ پار کرنے کےلیے استعمال کرتے ہیں، لیکن پانی کی زیادتی کی وجہ سے پل کی سطح پانی میں ڈوبی ہوئی تھی۔مرد جس کا نام صوبے خان تھا نے پل پر پیر رکھا تو وہ صحیح طرح اندازہ نہیں کر پایا کہ پل کی سطح کہاں ہے اور وہ سیم کے پانے میں جا گرا۔ اس کی بیٹی جس کا نام کوثر بتایا گیا ہے اور وہ مطلقہ اور ایک عدد بیٹی کی ماں بھی تھی نے اس کےپیچھے چھلانگ لگائی تا کہ اپنے باپ کو باہر نکال سکے مگر وہ بھی پانی میں غوطے کھانے لگی، دور کھڑے کچھ لوگوں نے یہ منظر دیکھنے کے بعد اسے بچانے کی کوشش کی لیکن اتنی دیر میں دم گھٹ جانے کے باعث وہ اپنی جان گنوا بیٹھی تھی۔ بیٹی کی لاش سیم نالہ سے مل چکی ہے تاہم باپ کی لاش اگلے دن ملی جو کے پل کے اندر ہی پھنسی ہوئی تھی ۔ دونوں کا جنازہ آج ستائیس اگست کو پڑھایا جا چکا ہے۔
کچھ افراد کے مطابق وہ روزانہ جانوروں کا چارہ لینے جاتے تھے۔ اس واقعے کے بعد اہل ڈنگہ غمگین ہیں اور ان کی بخشش کے لیے دعا میں مشغول ہیں۔

جہاں پورے ملک پاکستان میں سیلاب نے پندرہ سو سے زیادہ شہریوں کی جانیں لی ہیں اور بیس ملین سے زیادہ لوگوں کو متاثر کیا ہے وہیں دو بڑے دریاؤں یعنی جہلم اور چناب کے درمیان واقع ہونے کے باوجود ڈنگہ شہر ابھی تک سیلاب کی آفت سے بچا ہوا تھا۔تاہم ان دو افراد کے جان سے ہاتھ دھونے کے بعد پورے پاکستان میں مرنے والوں کی تعداد میں ڈنگہ کے دو افراد کا اضافہ بھی ہو گیا ہے۔

نوٹ : یہ خبر کسی اخبار یا جریدے میں شائع نہیں ہوئی بلکہ میرے ذاتی سورسز سے مجھے پتہ چلی۔

Keryana and Sweets Association Business in Dinga

کریانہ اینڈ سویٹس ایسوسی ایشن کے نئے عہدیداران

کریانہ اینڈ سویٹس ایسوسی ایشن کے انتخابی اجلاس میں اتفاق رائے سے سابق صدر حاجی محمد نواز کو اگلے تین برس کے لیے بلا مقابلہ صدر کریانہ اینڈ سویٹس ایسوسی ایشن ڈنگہ سابق سیکرٹری سہیل اشرف کو جنرل سیکرٹری منتخب کر لیا گیا ہے،انتخابی اجلاس الحسنین میرج ہال ڈنگہ میں منعقد ہوا جس میں کریانہ اور سویٹس ایسوسی ایشن کے ارکان نے بھر پور شرکت کی اجلاس کے آغاز میں حاجی محمد نواز نے کہا کہ ہم نے تین سال تک ایسوسی ایشن کی بھر پور خدمت کی اور ارکان کے تحفظ کے لیے جو بن پڑا وہ کیا آج تنظیم کا ایک مضبوط وجود ہے ہم عہدہ کی مدت ختم ہونے پر ذمہ داریوں سے الگ ہونے کا اعلان کرتے ہیں، تمام ارکان الیکشن کے بجائے اتفاق رائے سے نئے عہدیدار چن لیں جس پر ہاؤس نے اتفاق رائے سے اعلیٰ کارکردگی کی بنیاد پر سابق تنظیم کو بحال رکھنے پر اصرار کیا جس پر حاجی محمد نواز نے کہا کہ ان کے خیال میں گذشتہ الیکشن میں ان کے مقابل آنے والے ساتھیوں کوموقع دیا جائے تاہم ارکان نے ان کو ذمہ داری سنبھالنے پر زور دیا، سینئر ارکان لالہ مشتاق احمد بٹ،سعید احمد جوڑا،پیر ارشد نے کہا کہ حاجی محمد نواز اور ان کی ٹیم کا ورک ناقابل ستائش ہے وہی یہ ذمہ داری نبھائیں،مجبور ہو کر حاجی محمد نواز نے کہا کہ اگر کارکنوں کا یہی زور ہے تو پھر ان کی تجویز ہے کہ سابق امیدوار غلام مصطفی بھٹی کو تنظیم میں نائب صدر اول کی ذمہ داری سونپی جائے کارکنوں نے ہاتھ کھڑے کر کے اس تجویز کی حمایت کی جس پر غلام مصطفی بھٹی کو نائب صدر اول چن لیا گیا،اس موقع پر تنظیم میں شامل ہونے والی سویٹس ایسوسی ایشن کے صدر مبین خاور بسوی نے اپنی تنظیم سے مشورہ کے بعد مہر مختار الحق کا نام نائب صدر اور ملک ذوالفقار احمد کا نام جوائنٹ سیکرٹری کے لیے تجویز کیا ہے جسے منظور کر لیا گیا ندیم اشرف کھوکھر بدستور سرپرست اعلیٰ رہیں گے دیگر عہدیداران کا انتخاب منتخب عہدیداران جلد کر دیں گے،اس موقع پر ارکان نے ایسوسی ایشن کو موثر بنانے کے لیے متعدد نئی تجاویز پیش کیں نومنتخب عہدیداران حاجی محمد نواز،سہیل اشرف اور غلام مصطفی بھٹی نے اعتماد کرنے پر ارکان کا شکریہ ادا کیا جس کے بعد شرکاء کو پرتکلف عشائیہ دیا گیا اجلا س میں حاجی محمد نواز،ندیم اشرف،سہیل اشرف،لالہ مشتاق احمد بٹ،سعید احمد جوڑا،وسیم جوڑا ،سائیں خالد کھوکھر، ندیم عارف،محمد فاروق بھٹی،طارق محمود،نوید اختر،غفار احمد،ماجداقبال،غلام قادر،افضل بٹ،نصیر احمد،محمد یوسف،محمد شریف،پیر آفتاب شاہ ،محمد شریف،اسد محمود،محمد سلیم،شبیر پہلوان،رشید احمد،عدنان رضا،سمیع اللہ،ثناء اللہ،دلاور حسین،اظہر حسین،لیاقت بھٹی،تنویر احمد،امجد جاوید،حجاج بن ظفر،عبدالغنی مٹھو،میاں رفیق،افضل غلام رسول،صوفی محمداعظم،جاوید اقبال،امجد بھٹہ نے شرکت کی۔


ماخذ